A Marea de Noia insta a Santiago Freire a que presente o estudo sobre as alternativas á xestión do Aparcadoiro Xuíz Falcone

 Marea recórdalle ao executivo local de Noia que se ten aprobado en sesión plenaria unha moción na cal o executivo ten a obriga de encargar un estudo sobre os distintos modelos de xestión do aparcadoiro. Esta iniciativa foi aprobada no mes de abril e de momento o alcalde de Noia, Santiago Freire, non presentou as conclusións deste estudo.

Dende a Marea recordan que hai 2.000 sinaturas de noiesas e noieses que teñen solicitado un cambio no modelo de explotación, que esta fracasado e que non corresponde cun aproveitamento útil do espazo.

A  Marea indica que, que os espazos municipais non poden ser privatizados polo Partido Popular, e que día si e día tamén o aparcadoiro atópase vacío, mentres que cada vez é máis complexo aparcar en  Noia.

A decisión do Partido Popular de privatizar esta instalación é unha mostra do ideario dos populares, que non son capaces de presentar unha alternativa a este modelo, na que se lle dea unha maior utilidade a un espazo que custou aproximadamente dous millóns de euros.

ir á nova

A Marea de Noia rexistrará unha moción para retirar a medalla de ouro ao ditador Francisco Franco

A Marea de Noia rexistrará unha moción para retirar a medalla de ouro ao ditador Francisco Franco.

A Marea Cidadá de Noia presentará, para o debate na sesión plenaria do vindeiro 31 de xullo, unha inicitiva que ten por obxetivo principal a retirada da medalla de ouro ao ditador Francisco Franco.

A medalla foi creada e concedida ao ditador o 1 de maio de 1952 e entragada 14 anos despois, o 22 de agosto de 1966 no Pazo de Meirás durante as vacacións da familia franco no polémico pazo de Sada. A xustificación segundo desprende a acta é debida aos traballos e servizos realizados en favor de Noia e a súa comarca.

Na mesma moción solicitarán a retirada da medalla de ouro a Fernando Suárez de Tángil  e José María Rivero de Aguilar Otero que tamén gozan deste distintivo, ministro e subsecretario de Obras Públicas

Dende a Marea inciden en que “ non temos nada que agradecerlle, non son persoas dignas de ter este distintivo, o Concello de Noia non está en debeda con eles e polo tanto o lóxico é a retirada deste distintivo”

ACTO POLÍTICO.

Este xoves día 19 de xullo, a Marea de Noia organiza un acto político – histórico ás 20:30 no Claustro do Concello de Noia. No que participarán a voceira da Marea de Noia, Lola Caramés, Xosé Manuel Beiras, Benito Portela ( alcalde de Sada) e o historiador Xavier Buxeiro

ir á nova

EnMarea solicitará no Parlamento Galego a creación dun Ciclo Superior de Guía, información e asistencia turísticas para Noia

Logo da Xuntanza mantida entre a Marea de Noia e as deputadas responsables de educación de EnMarea, Luca Chao e Ánxeles Cuña  estas presentarán unha Proposición non de Lei para que a Consellería de Educación estude a posibilidade de crear un Ciclo superior de Guía, información e asistencia turística.

Dende a Marea de Noia voloran “moi positivamente esta proposta” xa que é preciso formación no ámbito do turismo na nosa comarca, formar persoas que logo poidan desenvolver a súa carreira profesional nesta materia é unha boa nova.

Insisten en que a formación profesional debe adaptarse ás necesidades do mercado laboral da contorna, onde se están a levar a cabo grandes esforzos para a consolidación turística da vila mediante o intento de homologación da variante do camiño inglés. Que precisa segundo o voceiro da Marea de Noia, “ que a Xunta de Galicia se implique nesta proposta xunto cos concellos polo que transcorre”, xa que “ o propósito de todos os partidos debe ser o desenvolvemento económico da vila.

Dende a Marea de Noia tamen instaron ás deputada Luca Chao e Ánxeles Cuña a que analicen na comisión de educación, a necesidade de recuperar o Bacharelato para adultos en Noia e a creación de ciclos formativos relacionados co medio mariño e coa reparación de buques.

A xuntanza concluíu cunha visita a Igrexa de Santa María a Nova onde se puido comprobar o estado de abandono de centos de laúdas gremias cun valor incalculable. Luca Chao recordou que “ tentamos que a Xunta de Galicia adicase unha partida de medio millón de euros para a creación dun novo museo, sen éxito”

ir á nova

A Marea insta ao executivo de Santiago Freire a levar a cabo un Plan de Conciliación durante o verán

O grupo de benestar da Marea Cidadá de Noia ven de solicitar que se execute a partida de 30.000 euros dispoñible nos orzamentos municipais para a creación dun Plan e Conciliación durante os meses de xullo e agosto.

Dende A Marea inciden na necesidade de darlle uso aos centros sociais e aos espacios deportivos das parroquias para esta labor, cun horario pensado para as familias na que traballan os seus membros. Apostan por manter, cando menos cinco espazos, con monitores especializados e unha oferta que ronde as 250 prazas.  

Non podemos entender a conciliación como a creación dun campamento de verán que dura tan só 15 días, aínda que aseguran, pode ser complementario ou repensado para adaptalo a esta proposta, ou mesmo aseguran “ se poderían integrar neste plan de conciliación as ofertas que fan os clubes deportivos e asociación durante o verán” co obxectivo de facer participe a todos os entendes deportivos e culturais da vila.

Ainda así dende a Marea destacan que “ esta iniciativa precisa de un traballo anual, para ofrecer unha oferta de calidade e que se adapte as necesidades da mocidade”

SOLPOR EN FAMILIA:

Manolo Seijas destacou que o “Solpor en familia” que se levou a cabo no mandato 2011-2015 foi unha das actividades que máis éxito tivo , polo que cómpre recuperala e ofertala durante a época estival.

ACTIVIDADES PARA A MOCIDADE ENTRE 13 E 18 ANOS.

Dende a Marea inciden en que “ hai unha poboación que son os máis esquecidos, aquelas mozas e mozos en idades entre 13 e 18 anos que non teñen unha oferta de actividades. Aseguran que o Festival O Pelegrino encaixa ben nas demandas da mocidade, pero cómpre repensar, en coordinación con eles mesmos, que iniciativas se poderían levar a cabo nas que fosen un suxeito activo.

ir á nova

A Marea dalle un ultimátum a Freire para que licite as obras que teñen orzamento dende o ano 2015 ou pedirán os expedientes na Deputación

O voceiro da Marea Cidadá de Noia insta ao alcalde Santiago Freire a que realice licite neste mes as obras que xa teñen orzamento dende o ano 2015 ou preguntarán na deputación polo estado dos expedientes, xa que se está abusando dos aprazamentos.

Dende a Marea indican que Noia é o único Concello da provincia que non levou a cabo a totalidade das obras dos plans da deputación para o ano 2015. Aseguraron que logo de dous anos gobernando, nos que se puido sacar a licitación estas obras, carece de sentido que non se licitarán aínda e que a cidadanía non disfrute das mesmas.

A relación de obras aprobadas en outubro do ano 2015 son:

•     As beirarrúas da Ponte de San Francisco con 99.941,10 euros
•    Eliminación de Barreiras arquitectónicas na República Arxentina que constan de un investimento de 85.790 euros.
•     Saneamento en Ousoño e na Barquiña que suman 395.000euros.
•        Parque infantil de Campo das Rodas en Bergondo cun orzamento de 44.824euros.

A agrupación da Marea Cidadá de Noia, non entenden os motivos deste inoperancia do goberno de Santiago Freire, aseguran que se trata dun goberno que non ten capacidade de xestión, xa que hai gobernos en minoría que son máis eficaces que este goberno.

No eido da execución orzamentaria o voceiro da Marea, Manolo Seijas asegura que hai obras que con partida orzamentaria non se realizaron, como son as melloras en Abruñeiras e Río do Porto, a mellora na Rúa do Espiritu Santo, a restauración da Fábrica da Chainza, o Museo do Mar, a cuberta da Ponte de San Lázaro entre outras actuacións.

ir á nova

A Marea de Noia intensifica esta semana a súa aposta pola igualdade

 Na Marea de Noia facemos cada día unha aposta pola igualdade, mais esta semana volcámonos aínda máis se cabe con esta causa que consideramos de vital importanza para unha organización política como a nosa.

SOMOS NOIA POR ELAS.

Dende o 4 de marzo podemos gozar da exposición Somos Noia por Elas nos escaparates de tendas e portas de negocios da nosa vila. Queremos facer unha retrospectiva da nosa intrahistoria e visibilizar as mulleres da nosa vila, pasadas e presentes, xa que sen elas non seriamos a vila que somos.

A FOLGA FEMINISTA

Seguindo nesta liña, asinamos o Manifesto pola Folga Feminista do 8 de Marzo e adherímonos como organización á mesma, difundindo a súa convocatoria e informando a todas as mulleres do noso concello do motivo polo que se vai a folga. O xoves 8 ás 20.00 horas. na Alameda de Noia celebrase unha concentración. + INFO: https://folgafeminista.org/

ACTOS DO DÍA 10 DE MARZO.

O día 10 empezamos cun obradoiro de Autoestima para Mulleres que se celebrará as 11h na Casa da Cultura, onde poderemos atopar recursos e ferramentas que nos axuden no noso día a día e onde poidamos comunicarnos libremente. Para participar neste obradoiro é preciso realizar a inscrición a través da web da agrupación política. Podes anotarte neste enlace:  https:/www.goo.gl/forms/AzTkuhZMHelPYkag1

Xa pola tarde, ás 17.00, percorreremos as rúas de Noia cun roteiro feminista que nos levará a coñecer lugares onde viviron mulleres emblemáticas de Noia. 

ir á nova

A Marea denuncia a mala xestión dos Servizos Sociais do Concello de Noia e presenta varias alternativas ao modelo do PP.

Lola Caramén presentou o informe realizado pola intervención municipal, logo de telo solicitado a Marea Cidadá de Noia.

EMERXENCIA SOCIAL:

Lola Caramés explicou que “ serve para cubrir necesidades básicas non cubertas por outros sistemas de protección como son a alimentación e hixiene persoal, vivenda, pagos de uso e mantemento da vivenda, subministros básicos” Nesta partida, indicou “ cabe destacar que, nos orzamentos do ano 2017 previan 30.000€ e só se executaron un total de 7.434,83€” traducido en termos porcentuais un 24,74%. “

CONCILIACIÓN LABORAL E FAMILIAR

“Neste caso a situación é máis alarmante”, indicou, “ nunha partida que se contemplaba de 30.000€ para axudar ás familias a conciliar a vida profesional e familiar non se gastou nin un só euro en 2017”

ASISTENCIA SOCIAL PRIMARIA, SERVIZO DE AXUDA NO FOGAR:

Caramén indicou que “ este servizo ten como obxectivo o apoio ás persoas dependentes do noso Concello nas labores cotiás da vida “. Dun total consignado de 401.479,95€ o goberno executou 306.549,87€. “ Queda sen executar un 24% desta partida orzamentaria”. Engadiu que “ temos constancia de que varios usuarios teñen solicitada a axuda no fogar e non se resolveu o seu expediente”

AXUDAS NA EDUCACIÓN E TRANSPORTE DE ESTUDANTES:

A portavoz da Marea indicou que “De 54.500€ que había orzamentados nesta partida en 2017, gastase un total de 44.208,40€, un 20% sen executar” Neste acaso Lola Caramés insistiu en que “ No mes de xuño a Marea levou a pleno esta situación para que a dotar de crédito a axuda ao transporte escolar para que ningunha persoa que cumprira os requisitos tanto académicos como económicos non quedara sen a axuda, en total asegurou, quedaron 9 persoas sen a axuda, ante unha mala xestión do goberno, pese a non executar un 20% desa partida”

CRITICA AO MODELO:

Dende a Marea indican que estes datos non son casualidade, “ É o modelo de Servizos Sociais e de axuda á xente que quere o Partido Popular e o NO.I.A, priorizar en outros gastos en vez de centrarse en resolver os problemas base da xente”

MODELO ALTERNATIVO:

O concelleiro Manolo Seijas explicou o modelo de vila polo que aposta a Marea e alternativo ao que leva acabo polo Partido Popular e o NO.I.A.

 Unhas das principais causas do mal funcionamento dos Servizos Sociais é a falta de persoal para cubrir baixas ou vacacións. Dende a Marea aseguran que cubrir as vacantes que se van producindo neste departamento debe ser unha prioridade para un goberno. A cuestión pasa porque haxa persoal suficiente para resolver os expedientes que se tramitan por este servizo, para elo tamén é preciso a revisión da Relación de Postos de Traballo, xa que, co volumen de usuarios é preciso aumentar as prazas do servizo.

 Aprobación da ordenanza da Renta Básica Municipal que atenda a aquelas persoas en situación de exclusión social co fin de garantir os dereitos básicos de vivenda, hixene e nutrición.

 Plan de Conciliación Municipal, asegurou que é preciso instaurar un plan baixo as seguintes directrices.

o Demandar a creación dunha escola infantil pública

o Ampliación do comedor escolar de Bergondo e creación do da Barquiña.

o Aula de Madrugadores en Bergondo.

o Coordinación das actividades, entre clubes e asociación para o fomento da conciliación.

 Plan de transporte:

o Complementaria a axuda ao transporte para estudantes é preciso seguir traballando na inclusión de Noia na Área do Transporte Metropolitano de Santiago para que os presos sexan máis baixo e haxa un maior aforro.

o Dotar as partidas económicas de acordoa datos de anos anteriores e non “ por costume”.

ir á nova