Acusa ao goberno de non executar obras orzamentadas e con proxecto por
valor de 626.000€
A Marea de Noia tacha de inoperante a xestión de Santiago Freire ao fronte
do consistorio noiés, debido á inoperancia do goberno e a falta de axilidade
nas xestión. As máis graves son as obras aprobadas en 2015 polo goberno anterior
e que aínda non foron executadas e
moitas delas, nin sequera licitadas, pese a ter proxecto e ter o orzamento para
levalas a cabo dende o primeiro mes que tomou posesión.
Dende a Marea inciden en
que “Estamos ante outra proba máis de que o Concello de Noia lle queda demasiado grande ao señor Freire, o que se está traducindo nunha parálise da
xestión municipal, prexudicando os intereses da nosa vila e dos nosos veciños e
veciñas”
Obra para a eliminación
de barreiras arquitectónicas en San Lázaro:
Esta obra foi aprobada en 2015 con fondos da Deputación, unha inversión de
85.000€ que leva dous anos no caixón da alcaldía, e da que só falta a súa
licitación. Dende a Marea entenden que é unha prioridade,” xa que estamos
falando dunha rúa na que se atopa o centro de saúde.”
Obra de mellora do Parque
do Campo de Noia.
Na actualidade atópase nun estado lamentable, onde os máis pequenos non
poden gozar das instalacións. Esta obra tamén foi orzamentada hai dous anos e
non se sacou a licitación aínda. O importe desta inversión é de 45.000€
Beirarrúas na Ponte de
San Francisco:
Outra das obras que quedou
orzamentada e co proxecto rematado no ano 2015, o equipo de Freire non foi quen
de licitar esta obra dende febreiro do ano 2016. Pese a que foi incluída no POS 2015 como
proposta do Partido Popular, semella que agora non hai presa para executar os
100.000€ aos que ascende a inversión
Instalación da rede de
saneamento no Curral e Ousoño:
Unha importante obra para a colocación do saneamento saparativo en Ousoño e
o Curral, a obra ten un orzamento de 131.000€ e tamén foi aprobada en 2015. Neste
momento está sen licitar.
Saneamento da Barquiña:
Dende a Marea recalcan que non poden estar paralizados máis de 600.000€ de
inversións, non só pola urxencia na execución das obras, senón polo impulso que
fai a obra pública na economía local. É diñeiro que non está disfrutando a
cidadanía e que non move a economía.
A formación achaca esta situación a inoperancia de quen pensaba que ía
gobernar nun Concello como Lousame, e pasou máis de seis meses abrindo
titulares de xornais e non planificando un goberno a tres anos. Dende a Marea
esixen ao goberno que axilice estas inversión.
