O voceiro da Marea Cidadá de Noia,
Manolo Seijas, e o vicevoceiro de EnMarea Antón Sánchez, mantiveron onte unha
xuntanza na que acordaron preguntar na comisión de infraestruturas polo
depósito da auga prometido pola Conselleira Beatriz Mato en abril do ano 2016 e
cuxa licitación sería antes de final de ano, chegando incluso a formalizar un
convenio por valor de 900.000 euros. Logo de un ano e medio non se volveu saber
nada da inversión e permaneceu no esquecemento,
Seijas incidiu en que o depósito
da auga axudaría en grande medida a evitar os problemas de turbidez que se
repiten ano tras ano cando hai un aumento nas precipitacións, xa que o río ven
turbio nas primeiras horas de chuvia. O depósito actual permite como máximo
abastecer a Noia durante unhas horas, pero a canalización enchese de auga
turbia xa que non se dá tratado nin remite a turbidez da auga do río.
Antón Sánchez pola súa parte
comprometeuse a preguntar por esta cuestión na próxima xuntanza da comisión de infraestruturas
e interpelar de xeito directo a propia conselleira, xa que considera que se
engana a cidadanía con promesas que logo non se cumpre.
