Na xunta de voceiros celebrada o
luns abordouse no apartado de rogos e a instancias do voceiro da Marea de Noia a
situación da seguridade nas festas de San Marcos que se celebran esta fin de
semana.
Dende a Marea móstranse moi
preocupados pola falta de previsión do concelleiro da Policía Local, xa que a tres
días da celebración dos festexos non ten cubertas as quendas da Policía Local
todos os días das festas. Concretamente o venres aínda non hai previsión que
haxa quenda de noite e o sábado, día de maior afluencia, só hai prevista unha
patrulla.
Seijas asegura que hai unha
improvisación do goberno,” chegan un martes, a tres días días do comezo da
festa e non teñen cubertas todas as quendas” asegurou que “ o señor Bustelo
somete a unha cuestión de fé poder
contar cunha patrulla o venres”
Dende a Marea insisten en que “
previsiblemente o sábado a afluencia de xente a Noia será masiva, no concerto que
se celebrará finalmente na praza do Curro, ten que haber presenza policial
durante todo o evento, polo que se precisan cando menos dúas patrullas nos días
de maior asistencia”
Insisten que o goberno ten que
buscar o mecanismo válido para que se cubran todas as quendas, “ben con horas
extraordinarias ou con colaboración con outras Policías Locais de outros
concellos”
Dende a Marea critican que esta
cuestión xa tiña que ser programa ao igual que se programa o cartel das festas,
non se entende que a tres días da celebración das festas non estea claro o plan
de seguridade. Aseguran que “ tiveron máis de un ano para dar pasos na
contratación de máis persoal da Policía Local, agora pasan estas cousas”
Seijas criticou, ademais, a
ausencia do concelleiro delegado da Policía Local na xuntanza de seguridade
para as festas a que si asistiu a concelleira de Protección Civil e o edil de
festexos, así como o xefe de Protección Civil, técnico de cultura e o xefe
accidental da Policía Local. “ o señor Bustelo amosa, coa súa ausencia, a falta
de compromiso coa seguridade”
Os erros, a falla de planificación
e os enfrontamentos cos policías do concelleiro son reiterados ante a total
pasividade do alcalde que se desentende, unha vez mais, do problema.
