A Marea Cidadá de
Noia a través da Alternativa Galega de Esquerda presentou cinco iniciativas
parlamentarias para subsanar as grandes deficiencias que presenta o colexio de
Bergondo. Ramón Vázquez e Xabier Ron
visitaron as instalacións do centro guiados por membros da ANPA e da dirección
do centro, nesta visita tamén acudiron
membros da Marea de Noia.
Noelia Estévez
aclarou que “ un dos principios cos que naceu a Marea de Noia foi a mellora na
educación pública, e para elo é importante ofrecer unhas instalacións en
condicións” Comentou que “ a construción do polideportivo é importante, pero
non podemos esquecer a situación que vive o centro no seu interior”
Ramón Vázquez
deputado de AGE en materia educativa incidiu “ en que é preciso realizar un
investimento no centro educativo de inmediato, estas obras deben corren a cargo
da Xunta de Galicia xa que son obras de gran calado para a mellora na calidade
educativa” Vázquez incidiu tamén en que “ pese a que o goberno do PP reduciu o
gasto en mantemento nun 84% nos últimos anos, esperemos que ao Colexio de
Bergondo se dedique unha partida económica e urxente”.
A iniciativa
parlamentaria ten como obxectivo dotar cunha partida económica arranxos
urxentes, o encauchado do patio de recreo do alumnado de infantil, a aula de
música, a creación dun comedor en condicións e a creación dos baños en
infantil. Tamén buscará o compromiso da Xunta de Galicia de colaborar co
Concello de Noia para traballar na creación dun polideportivo de uso escolar e
municipal.
A saída da visita
Ramón Vázquez aseguraba que “o centro mostra un estado lamentable non propio de
países desenvolvidos, temos que facer valer ese acordo plenario no que o
Partido Popular se comprometeu a traballar para arranxar estas deficiencias
habilitando así unha partida económica para arremeter as obras”
Manolo Seijas comentou
que intentarán introducir unha partida económica nos presupostos municipais
para que cando menos unha das obras se leve a cabo a cargo do concello.
Priorizando a creación dos baños de
infantil ou o encauchado e insonorización do patio interior, xa que son unhas
obras de baixo custe que podería cubrir o Concello de Noia. Ademais incidiu na
necesidade de crear o Consello Municipal de Educación na que participarían
representación de nais e pais, representantes do profesorado e da dirección do
centro, o inspector de zona e o propio Concello.
