No Pleno de Organización celebrado o luns
evidenciáronse os dous bloques políticos existentes na corporación, por unha
banda os partidos tradicionais e por outra, a Marea Cidadá que aposta por un
novo xeito de facer política.
 |
| Momento no que os concelleir@s da Marea agardan a que os partidos tradicionais cheguen a un acordo no Claustro |
No primeiro punto onde houbo discordancia entre a Marea e os catro partidos
tradicionais foi no punto de conformación das comisións, a Marea propoñía
reducir a 5 o número de integrantes das mesmas, mentres que o grupo de goberno
propoñía 9. Dende a Marea críamos que é un gasto innecesario e polo tanto
votamos en contra, amparándonos no informe de intervención e secretaria que
deixaba claro que o voto ponderado, un representante por partido, era o que
marcaba a lexislación vixente e significaba un aforro importante para as arcas
municipais. Coa proposta da Marea o Concello aforraría en torno a 240€ por
comisión, onde temos que ter en conta que existen nove comisións, sete
informativas e dúas especiais.
No segundo punto onde existiu discrepancia foi no referente á asignación
económica ás concelleiras e concelleiros. A Marea Cidadá fixo unha proposta
para someter ao Pleno na que se pretendía aforrar un 50% con respecto á
proposta do grupo de goberno.
Como BNG e PP non tiñan proposta ao respecto, pediuse un receso para que as
catro formacións; BNG, PP, PSOE e NO.I.A chegaran a un acordo para repartir as
asignacións económicas. Logo dunha hora de negociación entre as partes,
volveron ao pleno e presentaron a seguinte proposta:
1- Comisións
e Xuntas de Goberno: 60€
2- Asistencias
a Pleno: 100€
3- Asignación
aos grupos: fixa 250€ e 50€ máis por cada concelleiro.
Fronte a proposta da MAREA:
1- Comisións e Xuntas de Goberno: 50€
2- Asistencia a Pleno: 50€
3- Asignación aos grupos: fixa 160€ e 6€ máis por cada
concelleiro.
Dende a Marea cremos positiva a proposta de rebaixar as asignación
por comisión a 60€ mais o resto de asignacións parécennos excesivas, polo
que votamos en contra da proposta. Segundo o cálculo que levamos
a cabo cremos que coa nosa proposta podemos cumprir dignamente a nosa labor
como concelleir@s sen necesidade de percibir unha asignación maior.
