O Grupo de Medioambiente da Marea Cidadá de Noia acordou na xuntanza
mantida na tarde do dia 07/08/2015 remitir as seguintes propostas ao grupo de
goberno.
Praia de Testal: Falase da importancia dunar, non realiza ningún tipo de
protección deste ecosistema, polo que consideramos que é preciso unha serie de
medidas urxentes para a conservación deste espazo.
1- Eliminar a papeleira que se
encontra na duna de Testal, por un sistema de pivote no medio da praia, para
que os usuarios non teñan que pisar as dunas para tirar o lixo.
2- Sinalización do aparcamento,
na parte de Taramancos, o obxectivo é que non aparquen os vehículos encima do
espazo dunar e tamén sería bo para unha mellora na organización do tráfico
nesta zona de gran afluencia no verán.
3- Pasarela accesible para todo
tipo de persoas, para que non obrigue aos usuarios a pisar as dunas para
acceder a praia.
4- Colocación dun cartel
informativo sobre as especies tanto vexetais como animais que habitan en
Testal, así como unha explicación da importancia que ten A Misela como espazo produtivo
do marisqueo, que axude a concienciar sobre a necesidade de non verter ningún
tipo de sólido a praia.
Fóra da importancia da duna, dende o grupo tamén se propón a necesidade de
coordinar coa Cofradía de Noia a extracción de algas, xa que en ocasión queda depositada
indebidamente en algunha zona da praia. Sería bo que houbese unha coordinación
para mellorar a limpeza das algas.
Por útlimo solicitase a retirada de rizóns na Praia de Boa Grande.
