Son
Lola Caramés, 34 anos, primeiro licenciada en Filoloxía Inglesa, logo máster en
Linguas Estranxeiras Aplicadas á Empresa, seguindo como traballadora por conta
allea para finalmente emprender o meu propio negocio e así poder decidir que
vida quero ter. En teoría. Na práctica búscome a vida para sobrevivir nun país
de picaresca no que a igualdade, o mérito e a capacidade son o último que se
tén en conta.
Métome
na Marea porque é a única forma que temos para restaurar a ética no noso
concello, para abrir as portas e fiestras e facer del a auténtica casa de tod@s e non niño de políticos profesionais e
asesores que teñen como único obxectivo engordar os seus bandullos.
Logo
de anos vendendo promesas que nunca se cumplen, os de sempre pretenden que os
sigamos apoiando sen máis. Pretenden calarnos e amansarnos con subvencións, con
festas alleas, con postos de traballo creados aquí e agora.
É
a hora do cambio: máis participación cidadá e máis corresponsabilidade; máis
público e máis control; máis transparencia e máis igualdade. Temos que escribir
nós o noso futuro e non agardar a que as eternas promesas se cumplan dependendo
do partido que estea aquí, en Santiago ou en Madrid.
Ninguén
máis ca nós mesm@s nos vai sacar desta situación. Loitemos polo que cremos! Que
suba a Marea!
