A Marea indica que hai prioridades no día a día da xestión
municipal, e unha delas debe ser a resolución daquelas axudas que facilitan a
vida da xente. Unha das máis importantes é a axuda que o Concello saca cada ano
para axudar no financiamento da compra de material, libros de texto e comedor.
Dende a Marea indican que o prazo para a presentación de
solicitudes finalizou no mes de xullo e que dende esa data aínda non se sabe se
contarán coa axuda, pese a que o curso xa deu comezo.
Dende a Marea indican que o alumnado ten que adquirir o
material escolar a principios de curso, nesta semana, e con esa previsión
debería actuar o goberno municipal, para ter resoltas as axudas nesta data.
Indican que “ xa estamos fartos de que se culpe ao servizo de
intervención deste atraso”, aseguran que “ a falta de capacidade para sacar as
oposicións e cubrir as prazas vacantes están provocando colapsos no servizo”
ademais de engadir que “ pasan máis tempo enviando documentación a Montoro que
dándolle servizo á veciñanza “
Cumprir a convocatoria é imposible xa que o punto décimo
prohibe expresamente que a persoa beneficiaría anticipe o diñeiro do vale do
material, polo que o alumnado deberá mercalo no mes de novembro que é cando
dende a Marea estiman que chegarán as resolucións do mesmo.
BECAS AO TRANSPORTE DE ESTUDANTES:
Nada se sabe aínda das becas para o transporte de estudantes
do vindeiro curso, dende a Marea indican que xa tiñan que estar aberta a
solicitude das axudas para axilizar o proceso de resolución que o curso pasado
resolveuse practicamente finalizado o curso académico. Dende a Marea indican
que esta cuestión é mera mente ideolóxica, posto que mentres licenzas para
Circos se tramitan en doce horas, a resolución destas axudas tardan meses.
