“ Non se
borra fácilmente a LINGUA que falou este
pobo durante dez séculos”
Manuel Murguía ( 1.906)
Estamos as portas doutro 17 de maio máis. Día no que se fai unha homenaxe a todas as persoas que, como Carlos Casares, fixeron e fan posible que en pleno século XXI a nosa lingua continúe a formar parte dese grande mosaico que chamamos mundo.
Persoas que nos ensinaron a apreciar e amar o noso , porque só os pobos que se queren son capaces de perdurar no
tempo e de progresar. Que ninguén esqueza a lección do vello mestre: “o respecto polo alleo nace
do amor polo propio”
As linguas, todas as linguas, son
instrumentos de comunicación e perviven ao usalas, do contrario, morren . Mais
preservar unha lingua non só é unha
tarefa lingüística porque non se pode separar da loita polos dereitos
colectivos das persoas, pola democracia.
Por iso neste día, dende a Marea Cidadá de
Noia animámosvos a que
sigades soñando en galego, amando en
galego, odiando en galego, bruando en galego… así todos os día do ano.
Deixemos para outros os malabares hipócritas
propios da data : titulares para a
ocasión en galego, discursos sobre o seu amor a lingua, anuncios por un día en galego…porque saben que mañá
volverán ao seu hábitat natural, o poder perverso. Dende alí decretarán que hai
linguas de primeira e linguas de segunda.
Que é cousa de utópicos e radicais militar na lingua, responsabilizarse da
súa conservación ,dignificala.
Dende
a Marea Cidadá de Noia queremos
facer un chamamento a todos os galegos e
galegas para que o día das nosas letras
sexa algo máis ca un festivo no calendario. Cómpre alzar a voz, e
esixir o noso dereito
irrenunciable a vivir en galego todos os días do ano.
Para iso o
día 17 convidámosvos a participar na
manifestación que partirá da alameda santiaguesa ás 12:00h baixo o lema En galego,sen
límites e percorrer
en irmandade as rúas de Compostela para dicirlle ao mundo ben alto que preservando
a nosa lingua estamos a darlle unha oportunidade ao futuro.
Amemos
Inda que a esperanza turre para abaixo
a vencellarnos sempre contra nuncas
de campos sen aire e corazóns parados.
Carlos
Casares
ACTOS EN NOIA
Ás 12:00 h. na Casa da Cultura "Antón Avilés de Taramancos" inauguración da Mostra Filatélica".
Esta Mostra está organizada pola Asociación Filatélica e Numismática de Noia.
Colabora: Concello de Noia.
.- Ás 13:00 h. na Alameda Ofrenda floral ante os bustos de Antón Avilés e María Mariño, contarase coa intervención de Serafín Marcos.
Agasallos de libros.
.- Ás 20:00 h. Concerto de corais na igrexa de Santa María "A Nova", participan:
Coral Eixel de Cedeira.
Coral Cantares do Miño (Ourense)
Coral Polifónica de Noia
Organiza: A Coral Polifónica de Noia e a Federación Coral Galega.
Colabora: Concello.
.- Durante todo o día pasearán polas rúas do casco histórico grupos de música tradicional.
(organiza: Os chiquiteiros)
