A Marea Cidadá de Noia
presentará unha moción para acordar o opoio de todos os grupos ao Proxecto
básico de actuación na Ría de
Noia
O xoves 17 de
decembro tivo lugar unha reunión entre Portos de Galicia e os voceiros de cada
grupo da corporación local noiesa. Portos explicoulles o traballo realizado nos
últimos anos e o proxecto definitivo rematado de redactar en marzo de 2015.
Este proxecto incluiría a dragaxe da canle aproveitando o mellor material
retirado para conseguir unha praia artificial e o adiantamento do Malecón.
Finalmente, o Presidente da entidade, solicitou aos presentes, para a realización e execución do
proxecto, o consenso de todas as forzas que conforman a coorporación.
A Marea de Noia, logo de realizar unha
análise dentro do grupo de traballo da ría, solicitará no vindeiro pleno
ordinario, unha moción co obxetivo de acadar un consenso na recuperación do mar
de Noia, tal como esixe Portos de Galicia para que se leve a cabo a execución
deste proxecto básico de actuación na Ría de Noia.
Manolo Seijas,
voceiro de Marea Cidadá, sinala que “Estamos a falar dun proxecto histórico, cunha complexidade
administrativa moi alta polo que é un proceso longo. Temos que poñernos a
traballar conxuntamente todos os grupos e sen demora para non perder a
oportunidade de comezar coa recuperación da nosa Ría e abrir dunha vez as
portas de Noia ao mar.” Seijas apelou a responsabilidade do resto dos partidos
da cooperación municipal argumento que “levamos anos falando do saneamento da
ría, este é un momento histórico e temos que aproveitar esta primeira fase”
A moción que presentará a Marea tamén
incluirá a creación da Comisión do Mar, como un espazo de interlocución co
conxunto das organizacións con representación municipal e coas distintas
entidades sociais involucradas, para traballar conxuntamente neste proxecto e en
todas as cuestións relevantes que afecten á Ría de Noia.
