A Marea Cidadá de Noia informa
que máis de cen persoas terán a oportunidade de decidir a posición da
plataforma cidadá no pleno de investidura que se celebrará o vindeiro trece de
xuño.
Dende a Marea recordan que
teñen voz e voto nesta asemblea as persoas que formaron parte da candidatura, que
asinaron o manifesto e principios, persoas que colaboraron na campaña coa Marea
Cidadá e tamén aquelas que participaron nas primarias abertas a cidadanía para
elixir o candidato.
Indican que é a primeira vez
que a cidadanía pode decidir libremente e de xeito transparente a posición a
tomar nun pleno de investidura, sen que haxa pactos de cúpulas ou se antepoñan
intereses persoais ao ben común.
A asemblea terá lugar mañá
domingo a partir das 18:30 no antigo matadoiro da rúa Espírito Santo, os
resultados publicáranse ao día seguinte nunha rolda de prensa que terá lugar no
mesmo lugar ás 11:00.
