Son Santiago Avilés, teño 47 anos
e levo máis de 15 traballando no mundo de internet, aínda que algúns me
recordarán atendendo na Tasca Típica ou presentando o informativo de
CanalTambre cuns pelos dignos de xulgado de garda. Os últimos anos estiven
traballando como freelance, case por completo para empresas de fóra porque
neste país o pouco traballo que hai ofrécese nunhas condicións que rozan o
esperpento. Neste momento as cousas tampouco van moi alá por Europa adiante así
que estou desempregado e sen ningunha prestación, que os autónomos diso non temos.
 |
| Santi ocupa o posto número 5 da Marea |
Levamos anos
asistindo como meros espectadores á degradación do sistema democrático.
Eliximos representantes que acaban representando a bancos e grandes empresas,
que defenden cos seus votos nas institucións os intereses das grandes
corporacións. O resultado son desafiuzamentos, perda de dereitos, recurtes en
sanidade e educación, pobreza, desemprego, precariedade, desamparo,
indefensión... Esta xente xa non nos representa. E xa está ben.
Creo que é o momento de deixar de
ser espectadores e de tomar nós mesmos as rendas do noso futuro, de que
recuperemos as institucións que nós creamos para que estean de verdade ó noso
servizo porque agora mesmo están prostituidas. Os concellos son o primeiro
chanzo, a primeira porta pola que a vontade do pobo debe entrar.
Formo parte da Marea cidadá de
Noia porque creo que é unha oportunidade de devolverlle á Noia o seu concello,
a oportunidade de que sexa a propia xente de Noia a que faga a súa vontade na
que é a casa de tod@s
