Son Manuel
Barreiro Mariño. Teño 26 anos e pertenzo á parroquia de Sta. Cristina de
Barro. Son licenciado en Historia
pola Universidade de Santiago de Compostela, estiven facendo un voluntariado de
6 meses no Departamento de Didáctica do Museo Provincial de Lugo e actualmente estou a cursar o mestrado en
profesorado pola Universidade de Vigo.
 |
| Manuel Barreiro ocupa o posto nº 11 na candidatura da Marea |
Debido ao contexto actual que estamos a
vivir, atópome moi preocupado pola situación de deterioro tanto da Educación
como da masiva emigración xuvenil que se produce a diario no noso país e sinto
a necesidade urxente de actuar para cambiar isto.
Decido mollarme coa Marea
Cidadá de Noia, pois considero que xa é o momento de que o pobo tome a palabra,
tomando así as administracións e gobernándoas a favor dos seus intereses, e non
creo que haxa ningún partido mellor ca Marea Cidadá para representar de maneira
máis real e democrática a vontade das noiesas e dos noieses.
