A Marea proporá no Pleno
Municipal de novembro a creación dun sistema de axudas para familias con
escasos recursos que compense a carga económica que lles supón o pagamento do
IBI para aquelas persoas “ que lle costa chegar a fin de mes”.
Segundo Manolo Seijas, “ a crise
segue estando presente en Noia, xerando e perpetuando graves situación de
desprotección económica e inxustiza social” Esta proposta ten como obxectivo
principal “ bonificar o pago do IBI mediante unha axuda do propio Concello, xa
que a exención non o permite a lei”.
Seijas afirmou “ En Noia segue
habendo moitas familias que non chegan a fin de mes e é responsabilidade do
Concello axudar a esas persoas que contan con múltiples gastos, tanto educativos,como sanitarios e mesmo subministración enerxética nas súas vivendas”
ao que hai que suma “ contratos en precario, que non permiten ingresos
suficientes para afrontar estes gastos obrigatorios”
A Marea de Noia presenta esta
medida baixo unha fórmula de convocatoria de axudas, ante as limitacións que
impiden a excepción do IBI. Propoñen un gasto orientativo entorno aos 15.000
con cargo ao Presuposto do 2016 que serían obxecto de estudo polo persoal xurídico
do Concello. Barallan que estas axudas
se dirixan a persoas maiores con pensións non contributivas, parados de longa
duración o usen prestación e familias en situación de risco de exclusión
social.
