O mércores 16
de setembro a Marea Cidadá de Noia reuniuse en Asemblea para facer unha
valoración dos tres primeiros meses do goberno municipal do Concello de Noia.
Entre os
aspectos positivos a salientar da actuación do goberno, a Asemblea destacou
a disposición da Alcaldía a atender a
maior parte das demandas da Marea Cidadá de Noia. A corporación apoiou as propostas da Marea para a publicación das contas
públicas na web municipal. Facendo un exercicio de transparencia, apoiou a
proposta de inscribir a Noia como vila refuxio e
apoiou a moción de urxencia presentada para investigar o acontecido na obra “O
Camiño do Atallo”, para o que se puxo en marcha unha comisión de control da
obra pública. Ademais, a corporación atendeu a demanda de arranxo dos
vestiarios do Estadio Municipal de San Lázaro e comprometeuse a cumprir os
principios de igualdade, mérito e capacidade na cobertura dunha baixa de
auxiliar administrativo, ao realizarse a selección a través dunha oposición.
Entre os aspectos negativos a asemblea
decidiu salientar:
·
Falta de planificación no acceso á
documentación:
§ Negóusenos nun primeiro momento o acceso
ao expediente de contratación do STAND, se ben é certo que se subsanou o erro
ao día seguinte.
§ Non se nos facilitou a documentación da
obra de “O Atallo” solicitada no Pleno de agosto.
§ O goberno municipal debe regular o acceso
a documentación tendo en conta que non se nos facilitou no período de cinco
días o expediente de contratación de persoal para a motobomba e da limpeza de praias.
·
Respostas
ambiguas e carentes de contido nos Plenos:
o
O grupo municipal viuse obrigado a emitir as
mesmas preguntas que no mes de agosto
no pleno ordinario de setembro, xa que as respostas emitidas no anterior pleno
ordinario se consideraron insuficientes.
·
Nula
disposición, por parte do goberno municipal, a atender a proposta da Marea
Cidadá de Noia de incluír actividades lúdicas para nenos e nenas no verán.
·
Ausencia
de solucións a problemas de seguridade e educación:
§ Segue sen se resolver o problema da
Policía Local
§ No CEIP Felipe de Castro (Bergondo) non se
abordaron unhas mínimas obras de adecentamento antes do comezo do curso escolar.
Pero
por riba deste cúmulo de eivas nos cen primeiros días de xestión, a Marea quere salientar:
·
A
ruptura do acordo de investidura entre a Marea Cidadá de Noia e PSOE,
concretamente no seu cuarto punto, posto que se contratou vía “Concurso negociado
e sen publicidade” a obra de colocación da pedra no Aparcadoiro Xuíz Falcone,
cun custo superior a 60.000€, sen pasar pola Comisión de Control da Obra
Pública e sen ser tratada como obra maior.
·
A
evidente falta de comunicación por parte do equipo de goberno á hora de
informar sobre as políticas que se levan cabo por parte do Concello de Noia ao
resto de grupos que forman a corporación.
·
A
intención de gobernar a través de comisións e plenos de urxencia que limita a
capacidade dos demais grupos á hora de preparar e analizar información
relevante das cuestións a tratar.
A Asemblea da
Marea Cidadá de Noia decidiu, logo desta valoración, convocar unha xuntanza
co PSOE na que trasladará estas cuestións, abrindo unha vía de comunicación
para evitar que se repita a mesma praxe. Ademais, acordamos facer cada tres
meses unha valoración do equipo de goberno para fiscalizar o seu labor.
